NEW YORK CITY, New York – BlackBerry a perde varios aña atras e bataya di telefonia mobil. BlackBerry ta enfoca mas riba software awo cu hardware – el a haya un bida nobo.
Accionnan di BlackBerry (BBRY, Tech30) a aumenta casi un 15% diabierna, despues cu e compania a reporta benta cu a supera e previsionnan di Wall Street. E compania tambe a reporta cu el a supera e estimacionnan cu su beneficio ahusta, un figura cu ta exclui cargonan di restructuracion y otro gastonan.
Sin embargo, no kiboca: BlackBerry, cu tabata conoci como Research in Motion, ta un sombra di loke e tabata. E accionnan a baha te un 95% desde su maximo na 2008.
Y ora cu ta inclui cargo, BlackBerry ainda a parde $47 miyon den su mas reciente kwartaal y $1.2 biyon pa su aña fiscal completo. Ingresonan tambe a cay.
Ta bon conoci cu e negoshinan di BlackBerry ta esencialmente morto. BlackBerry ta di transicion di un compania conoci principalmente pa telefonnan inteligente old-school cu tecladonan fisico na un empresa cu ta desaroya software pa otro fabricantenan di telefon.
Y parce cu e cambio aki ta bayendo hopi bon.
CEO John Chen a bisa diabierna cu e compania ta spera pa reporta un ingreso real e aña fiscal aki. No ta un ganashi despues di considera e cargonan di un solo biaha. Un beneficio real.
Inversionistanan tambe ta contento cu e compania ya no ta perdiendo placa. No ta mucho tempo pasa, inversionistanan tabata preocupa cu BlackBerry lo a keda sin placa.
Pero esaki a caba den e trimester cu $1.7 biyon den su bukinan, te casi un $90 miyon na final di November.
E cambio di e compania for di hardware pa software parce cu ta pay off. BlackBerry a bisa September ultimo, cu nan lo stop di fabrica celular y nan lo outsource profuccion di telefonnan di e marca BlackBerry na otro companianan.
Tabata un reconocimento impresionante di e derota di e compania, cual tabata un biaha asina popular cu hendenan ta referi su celularnan como CrackBerries. Ex presidente Barack Obama y Kim Kardashian West tabata fanaticonan grandi.
Pero BlackBerry tabata laat pa e wega di smartphone, dependiendo mucho riba e keyboardnan y su sistema operativo. Apple, Samsung y otronan den Andoid, a bula riba e cuoda di e mercado di BlackBerry. Hasta Microsoft, cu no a bay mucho bon cu su negoshi di Windows Phone, despues di a gasta biyones pa cumpra activonan di Nokia, otro ex rey di e mundo di telefon – tabata gana e parti mas grandi di e mercado di BlackBerry.
Software y servicionan awo ta representa casi 60% di e benta total di BlackBerry. Tambe e ta un hungado cda biaha mayor den dispositivonan conecta, e asina yama internet di cosnan.
Ford ta un socio clave pa BlackBerry. E gigante di auto ta uza e softwarenan QNX di BlackBerry den algun di su autonan. Y Ford a caba di contrata 400 trahado di BlackBerry pa desaroya autonan conecta cu nan. Asina ta, aunke cu BlackBerry mester a reconoce e derota den e guera di smartphones, y aunke cu nunca mas nos por tin un CrackBerry, su enfoke nobo ta dunando e un bon chens pa sobrevivi.
Fuente: CNNMoney