CANBERRA, Australia- E operacionnan di bitcoins desde awo lo wordo supervisa y regula na Australia pa un servicio gubernamental. Asina e minister di husiticia di e pais, Michael Keenan a declara.
E medida ta busca pa fortalece e ley contra di practicanan di labamento di placa, descubri recientemente den e pais algun dia pasa, den cuadro di e escandalo financiero cu ta involucra e Commonwealth Bank of Australia. E entidad financiero Australiano mas grandi ta wordo acusa pa inteligencia financiero AUSTRAC di viola leynan contra di financiacion di terorismo.
E departamento a denuncia cu un grupo criminal a probecha di e hecho di e servicio di deposito online di dicho banco pa laba placa. E director ehecutivo y consehero di e banco, Ian Narev a anuncia su retiro di e cargo cual lo ta efectivo na 2018 door di e criticanan.
E decision di gobierno Australiano di regula circulacion di criptodivisa ta sigui e mesun mocion adopta door di autoridadnan Japones na comienso di aña.
Fuente: https://actualidad.rt.com/actualidad