BERLIN, Alemania – E asociacion di industria Aleman, BDI, a confirma diamars su pronostico cu e economia Germano lo crece cerca di un 1,5 porciento e aña aki, den e medida caminda cu ta repunta exportacion, pero a adverti cu e mayor economia di Europa, no mester baha su guardia.
“E bon situacion economico no ta un ticket gratis pa tuma un break,” e presidente di BDI, Dieter Kempf a comenta.
“Nos exito ta debe na e debilidad di e Euro, na un prijs modera di petroleo y na e politica monetario expansivo di e Banco Central Europeo,” el a sigura y a agrega cu e influencia Aleman den e factornan aki ta limita.
Ante e riesgonan global, e economia Aleman tin mester di haci su mes resistente na e crisis, di modo cu algun ingreso impositivo record y superavitnan presupuestario no ta hiba na recorte di impuesto, sino pa nan wordo uza den inversio y pa reforma e legislacion tributario.
Fuente: www.reuters.com