LONDON, Inglatera – E accionnan Europeo a cera cu un aumento diabierna aunke e caidanan generalisa den e sector di auto y bancario, cu a yega na toca maximo den 15 luna, pa despues cay, despues cu un funcionario di Banco Central Europeo a rebiba rumornan riba un posibel hisamento di e tasanan di interes.
Ewald Nowotny a bisa cu BCE lo dicidi mas dilanti si e lo eleva e tipo di interesnan prome of despues di culmina su programa di compra di bono, haciendo cu e rendimentonan di bononan soberano di e zona Euro subi.
Varios operador a bisa cu nan comentarionan a sa di escala den e sector bancario, cu posteriormente a reverti e avansenan y a cera den un bahada. Apesar di esaki, e indice STOXX 600 a caba cu un hisamento di 0.16 porciento y den e siman el a gana un 1.4 porciento.
E indice di banconan di e zona Euro a subi te na un 1.4 porciento prome di recorta su avanse y caba cu e sesion cu un caida di 0.06 porciento, lastrando den e descensonan di Erste Group Bank, ABN Amro Group y Deutsche Bank.
E sector di auto tambe a cay, cerando cu un descenso di 0.48 porciento. E caidanan principal di e grupo tabata e accion di Porsche, Volkswagen y BMW cu a perde entre 0.9 y 1.9 porciento.
Fuente: Reuters