Ta asina cu den cuadro di cambionan den e pensamento di gobierno riba procesamento di sushi y Parkietenbos, tur e partido politico a bin di acuerdo cu mester bin cu solucion . Minister di Infrastructura ta amplia.
Durante eleccionnan pasa, e diferente partidonan a expresa cu mester cera Parkietenbos y Minister Otmar Oduber y e gobierno actual a para pa esaki. Pero lamentablemente e proceso aki a tuma mas tempo pa por a bin atende cu e debido responsabilidad y transparencia y pa inclui tur hende den dje.
E proyecto aki a tuma luga te ainda cu proceso di RFI pa wak con por remedia Parkietenbos y mehora. Di otro banda kico ta bay haci cu e sushi caminda cu un comision a wordo lanta, Task Force Waste Managment cu a envolvi tur e hefe di departamentonan cu tin di haber cu esaki.
A inclui e sindicatonan di Serlimar, como tambe ATIA, y esunnan cu ta biba rond di Parkietenbos y cu WEB como posibel partner den cualkier proceso cu por tin den futuro, TNO como experto riba e tereno aki y asina a logra un comision bastante amplio y balansa .
A traha un rapport cu a wordo entrega 2 luna pasa cu a bisa cu si, mester cana e caminda di RFI pa yega na RFP cu ta tumando luga na e momentonan aki, pero cu no por warda te ora tin un procesamento nobo pa bay cera Parkietenbos.
E comision estableci a bay di acuerdo di forma unanime mes cos cu gobierno a sostene e pensamento cu mester actua prome, y e forma ta a traves di e uzo servicio di Ecogas cu ta yama Environ bales pa empaketa e sushi.
Tu esaki ta wordo midi den laboratorio pa percura cu no tin ni un peliger pa ora ta dera esaki den tera. Resultadonan di laboratorio constata pa e instancianan concerni, cu a mustra cu e environ bales cu no ta dañino pa e subsuelo. Awo e comision a splica cu esaki ta e midterm phase prome cu haya e solucion definitivo a base di esaki a cuminsa combersacionnan cu Ecogas.
Diabierna ultimo Serlimar a cera un acuerdo cu Ecogas caminda cu ta hiba e sushi na Ecogas y nan ta brinda e servicio di paketa e sushi y Serlimar ta paga pa e servicio aki, y Ecogas ta paga Serlimar pa por dera esakinan un di e dos luganan cu ta wordo autorisa, cual ta Seri Tijshi. Caminda cu si ta compara cu Parkietenbos cu un cero di sushi benta tur caminda, compara na Seri Tijshi cu ta hopi mas organisa, ta hinca den subsuelo.
Esaki ta un sistema hopi mas organisa cu tubonan bou di tera pa e gas, aunke cu no tin mester di dje. Ta comproba cu no ta dañino pero toch kier sigura un Safety Value y cu garantia basta inversion halto cu e meta cu gobierno ta para cu e actividad di Parkietenbos na un 90%.
Den e contracto ta stipula pa seis luna, aunke e trayecto pa yega na un procesamento nobo ta bay tarda 1 aña y mei anto kisas por extende e contracto aki . A cuminsa e siman aki caminda cu Serlimar ta cuminsa trece e sushi na Ecogas haci e procedemento cu ta wordo empaketa y dera e sushi sin cu esaki ta causa daño na e medio ambiente.
E tereno ta bay keda manera cu no tin sushi eynan pasobra e ta keda tapa cu un procedura standard internacional, y den futuro por duna un otro uzo na e tereno por ehempel un solar park y henter comision a bay di acuerdo tambe.
E realidad ta cu no por keda tira sushi na Parkietenbos. Hopi hende a mustra e preocupacion pero no tabata tin ni un rapport of accion, unda a trece tambe specialista cu a bisa cu tabata un time bomb, cu por a trece un epidemia cu consecuencianan serio di salud. Esaki a pone tur hende realisa cu no por bay bek riba e decisionnan a base di rapportnan, estudionan y e gastonan cu tin envolvi cu ta cera den e presupuesto di Aruba. Esaki a wordo splica caba pa Minister y esaki ta e unico manera pa ta moralmente responsabel cu e comunidad pa bin cu e desaroyo aki.
Pa prome di Juli pa 100 of 200 dia cu e por dura pero Parkietenbos practicamente ta cera y cu un actividadnan di 10 of 15 % ta keda cu material peligroso cu no por wordo hiba otro caminda lo sigui wordo hiba y ta atende esaku den forma responsabel tanten e otro desaroyo por tuma luga, segun Sr. Otmar Oduber, minister di Infrastructura y Medio Ambiente.