Sport Vereniging F.C. San Nicolas, Lifida A & B, e organisacion deportivo cu ta opera na San Nicolas cu e meta di envolve muchanan den deporte pa asina nan no ta riba caya, a batisa algun uniform nobo e siman aki, cu e ayudo di ECO DMS como un sponsor.
E compania tambe tabata presente na e inauguracion oficial di e uniform recientemente, cual a tuma luga na Joe Laveist Sport Park na San Nicolas.
Sport Vereniging F.C. San Nicolas ta ofrece entrenamento y coaching di futbol, asina tambe dunando muchanan un oportunidad pa nan desaroya nan habilidadnan fisico y social, encurashando nan pa madura pa miembronan productivo y disciplina denter di nos comunidad.
Maoreen Every a basha awa riba e camisanan na nomber di ECO DMS y su coleganan di e compania cu tabata presente na e inauguracion, mientras cu Sport Vereniging F.C. San Nicolas a wordo representa pa Herbert Beelsnijder, Brigitte Gomez y Errol Every.
ECO DMS ta e top Compania di Maneho di Destinacion di servicio completo den Caribe Hulandes, operando na tanto Aruba como na Corsou, cu un oficina di sucursal na Florida. E compania a combina creatividad, servicio personal y talentonan profesional superior pa crea experiencianan motivacional memorabel pa clientenan cu ta bin di rond mundo.