E lo ta un actividad excepcional cu lo tuma luga dia 26 di mei den oranan di madruga. E lo ta e prome eclipse lunar di 2021, cu además lo ta un superluna y un “luna di sanger”.
Un eclipse lunar total ta tuma luga ora cu Mundo ta pasa entre e Luna y Solo causando un sombra riba e luna. E tres curpanan celeste mester ta perfectamente alinea pa esey tuma luga.
Durante e eclipse, e Luna ta bira manera cora debi cu e luz solar no ta yega directamente na e Luna sino cu parti di e luz ta wordo filtra pa e atmosfera terrestre y ta proyecta riba nos satélite e colornan manera cora y oranje.
E efecto aki ta conoci popularmente como “luna di sanger”.
E eclipse lunar total di 26 di mei lo tin un duracion di 15 minuut y lo ta visibel den gran parti di Zuid America y costa west di Merca.
E lo ta parcialmente visibel na algun parti di Centro America y oost di Zuid America. Tambe por mira esaki na e parti oost di algun pais Asiatico manera Oceania.
Esaki ta e prome di e cuatro eclipsenan cu lo tin den 2021. Dia 10 di juni lo tin e siguiente: un eclipse solar anular. Lo tin otro eclipse lunar dia 18 di november y e ultimo ta un eclipse solar total dia 4 di december.