CIENCIA
E anochi di 27 di juli lo tuma luga e eclipse di luna mas largo di siglo XXI, dunando e habitantenan di varios parti di nos planeta e posibilidad di observa un espectacular ‘luna sangriento’ (blood moon), segun e popular portal Popular Mechanics.
E fenomeno astronomico aki, cu ta sosode ora cu Mundo ta crusa dilanti Solo y Luna, lo extende pa un espacio di un hora y 43 minuut. Ademas, lo tin eclipsenan parcial di un hora y 6 minuut di extension na momentonan prome y despues. Asina pues e espectaculo completo lo tin un duracion total di 3 hora y 55 minuut, segun e website earthsky.com
E eclipse lo por wordo aprecia den su totalidad for di gran parti di e hemisferio oriental, aunke el lo pasa sin pasa di mayor novedad na Norteamerica. Su comienso lo por wordo aprecia na Australai, mientras cu paisnan oost-Suramerica lo por presencia e ultimo parti di e fenomeno aki.
E ‘blood moon’ lo alcansa su punto maximo pa 20:21 (GMT), cual ta coresponde cu 15:21 na Colombia y Peru, 16:21 na Venezuela, Paraguay y Chile y 17:21 na Argentina y Uruguay.
Esunnan cu ta observa e shelo nocturno durante e luna di Juli lo por aprecia, ademas, otro inusual fenomeno cu lo haci cu planeta Marte lo mustra specialmente grandi y briyante. E planeta cora lo alinea cu Mundo y Solo, cual lo coincidi cu su posicion mas cercano na nos planeta den e ultimo 15 añanan.
Fuente: https://www.space.com