CIENCIA
Diabierna anochi, 27 di juli, e eclipse lunar mas largo di siglo XXI lo tuma luga. E fenomeno lo dura casi cuater hora, di cual un hora y 43 minuut lo ta di e fase total. Esey kiermen cu nos satelite lo ta totalmente scur. Sin embargo, e Luna lo no disparce totalmente di e atmosfera di Mundo, lo wordo mira pero cu’n color cora. E ta wordo yama Luna di Sanger. Pa agrega un punto di briyo na e espectaculo, Marte, lo acerca nos planeta cu’n briyo cu e no a mustra durante e ultimo añanan.
Na diferencia di e eclipsenan solar, unda cu lo mester di bril special pa no sufri daño na bista, e eclipse di Luna no ta necesario pa tin niun instrumento pa wak shelo. Por si acaso un verrekijker, si bo kier wak sin perde niun detaye na un luga sin obstaculo manera edificionan grandi of matanan cu ta stroba e vision. Si e ta na un luga halto, miho.
E eclipse di Luna cora lo ta visibel desde Europa, Africa, Asia, Australia y New Zealand.
Marte, Mundo y Solo lo ta practicamente alinea diabierna. Marte lo ta na e otro banda di Solo, pa cual e alineacion ta conoci como oposicion. Esaki ta coincidi cu casi cu e punto mas cerca di Mundo. E anochi aki e lo ta situa na 57.7 miyon km leu di nos planeta, cual lo provoca cu e ta parce di ta mas grandi si ta wak’e cu’n telescope y mas briyante. E cercania maximo lo tuma luga dialuna, 30 di juli, ora cu e lo yega na 57.6 miyon km.
Marte tin un orbita eliptico pronuncia. Esaki kiermen cu su distancia di Solo lo varia significativamente. E distancia entre e Planeta Cora y e Mundo den oposicion tambe ta cambia: di menos di 56 miyon km (mas recien tabata na 2003 na rond di 101 miyon km (na oposicion na 2012).
Na Aruba
Mañan luna lo pasa den e parti di sombra di nos planeta. E eclipse lo cuminsa pa 1:14 pm y lo termina 7:28 pm. E dia ei, 27 di juli, luna lo sali 7:09 pm aki na Aruba y e evento lo termina 7:28 pm. Pues ta 19 min so lo por observa di e fase final cu ta penumbral. (penumbra: e parti menos scur di e sombra di e planeta).