HONOLULU, Hawaii – E isla ubica na 500 km noorwest di Honolulu, ta forma parti di un cadena di grupo chikito di islanan den e Monumento Nacional Marino Papahānaumokuākea. Ora cu e cadena a wordo asota pa fuerte tormentanan di e horcan Walaka, na comienso di e luna aki, e isla a keda bou awa.
E isla tabata inhabita, pero cientificonan ta preocupa ya cu e tabata un refugio pa dos di e animalnan mas menasa di mundo: e tortuga berde Hawaiano y Hawaiian monk seal (un especie di cacho di lama).
Un paraiso pa animalnan
Segun Chip Fletcher, profesor di e Universidad di Hawaii na Manoa, casi 96% di e poblacion di tortuga berde di Hawaii ta biaha den cadena pa e islanan aki, conoci como French Frigate Shoals, para ta safe durante su temporada di reproduccion.
“Mientras cu nos tabata move ariba e isla na juli ultimo, nos mester tabata cuidadoso cu cada stap, ya cu tabata tin evidencia di cu e turtuganan tabata poniendo webo”, Fletcher a bisa CNN, “pero afortunadamente, e mayoria di e webonan a hatch y e yiunan di tortuga a bay caba pa ora cu e horcan a yega”.
E monk sealnan Hawaiano (ta keda solamente 1400 di nan na mundo henter) ta pasa e gran parti di e tempo drumi bou solo descansando ariba e beach. Fletcher a bisa cu usualmente nan ta capas di nabega durante un tormenta manera esaki.
“Pero e evaluacion final lo ta esun di e biologonan”.
Segun Fletcher East Island a keda bou awa, den gran parti debi na e cambio climatico.
“E nivel di lama ta aumentando rond mundo, e islanan aki cada biaha ta birando mas vulnerabel según cu e awa di oceano ta subi”, Fletcher a bisa. “Si e nivel di lama a subi poco poco, aidna tabata tin posibilidad pa e islanan aki a adapta nan mes. Pero e aumento rapido di e nivel di lama, manera door di e calentamento global, ta haci cu e islanan aki ta for di balans”.