E proyecto di Earn Your Future ta bay cuminsa na nos scolnan atrobe. E proyecto aki ta un proyecto cu PwC Aruba tin ta haci algun aña caba y ta forma parti di PwCGlobal. PwC ta un compania cu ta traha y tin conocemento di cifras. Y ta pa e motibo aki PwC ta desea di duna bek na comunidad di Aruba y comparti su conosimiento di finansas cu e muchanan di Aruba.
Segun Edsel Lopez, kende ta Partner di PwC Dutch Caribbean, PwC Aruba lo inicia e proyecto “Earn Your Future” na mitar di September. “Earn Your Future” a nace na 2014, ora cu PwC Aruba tabata busca un manera pa sigui aporta na e comunidad y specifiamente na e hubentud di Aruba. Durante e tempo aki, PwC a haci un proyecto similar na Estados Unidos, unda cu e empleadonan di PwC ta haci trabao voluntario y di e manera aki siña studiantenan tocante finansas.
Edsel Lopez a sigui splica cu PwC Aruba ta comprometi pa crea un cultura cu ta anima e empleadonan pa comparti nan habilidad, experticio y recurso. E empleadonan di PwC semper ta para cla pa yuda comunidad di Aruba y esaki ta e caso cu e proyecto “Earn Your Future” tambe.
Na Aruba pero tambe den Caribe y internacionalmente, hendenan tin dificultad pa maneha nan finansas of no sa con pa traha un budget. Pesey PwC a dicidi cu lo bishita diferente scol di Aruba cu en total 27 boluntario pa siña e muchanan con pa “Earn Their Future”, esta con nan por cuminsa traha riba nan futuro desde hoben caba. Cu e proyecto aki PwC kier pone enfasis riba e studiantenan y pa nan engrandece nan conosimiento riba e tereno di finansa y di awo caba siñanan e importancia di spaar y con pa maneha placa riba un manera responsabel.
Educacion ta un di e pilarnan di nos responsabilidad social y ta pa e mesun motibo aki PwC ta pone enfasis riba educacion di nos muchanan. PwC ta desea di aporta na e muchanan nan educacion pero tambe cultiva nos futuro generacion. E mission di e proyecto aki no ta pa solamente siña e muchanan tocante spaar y budgeting pero tambe pa e muchanan por bai comparti esaki cu nan mayornan y asina alcansa di hiba e mensahe na mas persona posibel.