Eagle LGN ta firma Carta di Exclusividad cu Refineria di Aruba creando trabao y inversionnan nobo na Aruba

Eagle LNG Partners LLC (Eagle LNG), un empresa Mericano cu sede na Houston, Texas y Jacksonville, Florida, a firma un Carta di Exclusividad cu Refineria di Aruba (RdA) siman pasa. Eagle LNG a wordo selecciona pa RdA pa establece un terminal di recepcion y regasificacion di LNG na Aruba.
E terminal di LNG lo trece hopi beneficio pa Aruba, manera stimulacion di e economia, lo crea trabao tanto durante como despues di e construccion di e terminal di LNG, tambe lo stabilisa y reduci prijs di combustibel uza den e produccion di awa y coriente pa e ciudadanonan d Aruba y empresanan. Esaki ta un inversion a largo plazo cu beneficionan a largo plazo pa Aruba y ta priminti prosperidad economico.
E acceso na energia mas barata tambe lo beneficia e reapertura proponi di e refineria di Aruba. Ademas, e terminal di Eagle LNG lo actua como un stacion di combustibel di LNG pa barconan propulsa pa LNG, cu ta opera rutanan comercia pa y for di Aruba. Den 2020, e Organisacion Maritimo Internacinal (OMI), a dictamina cu e sector maritimo mester reduci e emisionnan riba awanan internacional, pa cual ta trahando numeroso bapornan nobo na mundo capas di uza LNG como combustibel.

Eagle LNG lo financia e proyecto di Aruba 100%.
“Nos ta complaci cu e firma di e Carta di Exclusividad, ya cu ta nifica un paso mas pa ehecuta e proyecto transformador aki na Arub ay pa hendenan di Aruba, resultando den un prijs di combustibel importa mas barata y tambe reduccion di e costo di coriente,” Reynold Arends, director di RdA a bisa.
Presidente di Eagle LNG, Sean Lalani, a gradici personalmente na e Prome Minister di Aruba, Evelyn Wever-Croes, como tambe sr. Arends, pa su esfuersonan oportuno y profesional pa yega na un acuerdo final cu Eagle LNG. Lalani a bisa: “Nos ta comprometi pa inverti den e cuenca di Caribe. E firmamento di e Acuerdo di Exclusividad cu RdA ta un paso importante na caminda pa hiba gas Mericano di combustion limpi y di costo abao pa e region. E acuerdo ta permiti Eagle cuminsa inverti y crea trabao na Aruba.
“Nos prioridad inmediato ta avansa den e diseñonan di e proyecto pa e terminal receptor cu e obhetivo di cuminsa e construccion e zomer aki,” Lalani a continua. “Eagle no solamente lo trece energa stabil y di costo abao pa tur e Arubianonan, sino pa tin un suministro di LNG cla den nos terminal ta brinda e oportunidad di abastece di combustibel na barconan cu ta opera rutanan comercial den e regon. Nos ta premira cu Aruba lo opera como un centro pa e necesidadnan energetico creciente di e region, hopi parecido loke a sosode ora cu Eagle LNG a construi su prome instalacion di produccion di LNG na e First Coast, Florida.”
Funcionarionan di gobierno di Aruba ya a informa cu e acuerdo exclusivo nobo y emocionante aki lo acelera e recuperacion di e pais una bes cu e pandemia caba. “Ta un gran orguyo di ta testigo awe di e ehecucion di e acuerdo entre Eagle LNG y RdA pa e suministro di gas natural,” e prome minister Evelyn Wever-Croes a comparti. “RdA lo haci e transicion di fueloil pisa (HFO) pa gas natural cu e beneficio di stabilidad di prijs y beneficionan ambiental, energia mas limpi y loke ta mas importante, desaroyo economico. A medida cu Eagle LNG establece operacionnan na aruba, lo crea cuponan di trabao nobo cu e posibilidad adicional di habri un industria nobo di exportacion di gas natural cu Aruba como e centro.”
E beneficionan ambiental di gas natural ta hopi. Por ehempel, reemplasa HFO cu LNG pa e generacion di energia lo resulta den un futuro reduccion di dioxido di carbono (CO2) ekivalente na loke lo sosode si Aruba saca tur su autonan for di caminda. Ademas, e reduccion efectivo di e contaminantenan dañino den aire cu ta causa problema di salud humano, maner asma y otro enfermedadnan respiratorio, ta otro beneficio importante.

Comments

comments