Despues di un aña cu Eagle 297 Runners a ser funda, Diamars 2 di Juni 2020 a tuma lugar e bautismo di nan uniform na C.D. Simeon Antonio. Jhonathan Kock cu Michael Maduro hunto cu algun persona a cuminsa cu e team cu meta pa support otro y pa mehora nan performance den e mundo di coremento. Mama di e conocido cantante Ian Tromp a tuma contacto cu Jhonathan pa duna Ian algun tips pa mehora su performance. Durante training a cuminsa saca potret y upload esaki nan ariba e Facebook di Eagle 297 Runners. Esaki tabata un boost enorme pa e team cu awe ta conta cu 70 miembro.
Meta di Eagle 297 Runners ta pa stimula mas y mas persona adulto y mucha pa practica e deporte di coremento. Movecion ta bon pa salud. Actualmente Eagle 297 Runners ta conta cu 3 Coach cu ta Jhonathan Kock, Michael Maduro y Jearuno Carlo. Pronto e coach nan aki lo tuma un curso avansa pa educa nan mes. Eagle 297 Runners kier a gradisi Sra.Oneilda Lampe cu a zorg pa e uniform nan yega Aruba y cu a bautisa e uniform di Adulto y Sra.Maria Andrade di Nos Aventura Snack cu a zorg pa snacks pa tur hende presente y a bautisa e uniform di e mucha nan. Palabra nan di gradisimento ta bai tambe pa Stephany Ras, Angelica Andrade, John Lejuez, Daniela Chica, Sonia Chica, Nicole Arends, Eduardo Andrade pa a hasi e atardi aki posibel.