LES CAYES, Haiti – E cantidad di morto na Haiti pa e paso di horcan Matthew a aumenta na 842, segun un fuente di Proteccion Civil a bisa diabierna.
E organismonan di emergencia ta purbando pa yena na comunidadnan severamente afecta pa e fenomeno, cu a wordo asoda Haiti diamars ultimo y a obliga e suspension di eleccionnan general premira pa proximo diadomingo, dia 9 di October.
Mientras tanto decenas di persona herida a cuminsa yega na e capital, Por-Au-Prince, desde e ciudad di Dame Marie, zuid di e pais, e region mas afecta pa Matthew.
Autoridadnan Haitiano no por a determina ainda e magnitud di e dañonan y tin miedo cu e cifra di morto bay sigui subi a medida cu ayudo ta drenta pa sigui accede na luganan cu a keda incomunica.
Mayoria di e mortonan a tuma luga na Les Cayes, Dame Marie y Jeremie, den e departamento Sur.
E acceso na e departamento di Grande Anse, zuidwest, severamente afecta, ta limita na transporte aereo.
Presidente interino di Haiti, Jocelerme Privert, a reconoce diahuebs cu e futuro di e pais aki ta pa construi un manera mas sigur pa evita situacionnan manera esunnan cu a presenta.
:”E destruccion ta hopi considerabel,” Privert a bisa, kende a sigura cu hopi pais a ofrece asistencia na Haiti, cu ainda no a recupera di e teremoto di 2010 cu a laga mas of menos 300 mil morto, cantidad similar di herido y 1.5 miyon di damnificado.
“Pa awo nos ta purba di mehora e situacion di urgencia y Gobierno tey tur caminda trahando,” el a subraya.
E Gobierno Haitiano a sigura cu e situacion ta catastrofico zuid di e pais y a apela riba ayudo internacional.
Fuente: NTN24