Diasabra 10 di September, Ling and Sons Food Market a lansa e concepto nobo di Hendrickx na e Panaderia. Hendrickx ta un concepto nobo y unico na Aruba, na unda nos meesterbakker hendrickx hunto cu su team di panaderonan, a integra differente recetanan for di Hulanda, Belgica y Francia hunto y asina a crea un surtido exclusivo di pan y cos dushi, na unda diversidad y calidad ta na prome luga.
E productonan ta bin di e miho recetanan autentico, 100% natural y artisanal di Europa, traha cu e mihor ingredientenan (sour dough), sostenibel y horna na un manera unico. Hendrickx ta conoci pa trece productonan di calidad halto y cu un sabor extraordinario.
E lansamento tawata un exito cu bon comentario di clientenan cu a pasa disfruta di e Panaderia nobo di Ling & Sons Food Market. Ling & Sons tawata tin musica acoustic den e supermercado y diferente tastings di e pan y cos dushi di Hendrickx de bakker. Ademas di esaki e meesterbakker Hendrickx mes tawata presente pa splica mas over di e variedad grandi di pan y cos dushi cu a wordo introduci na Ling & Sons Food Market.
Pa celebra e apertura Ling & Sons tin ful suman diferente ofertanan special na e dpto di Panaderia. Pa mas informacion di e specials por follow e supermercado via rednan social of bishita shop.lingandsons.com
E Panaderia di Ling & Sons Food Market ta habri tur dia mesun horario cu e supermercado di Dialuna pa Diasabra di 7:30 AM pa 8:00 PM y tur Diadomingo di 9:00 AM pa 3:00 PM.