Despues di un trayecto di 4 aña na Scol di Polis, un estudio combina cu practica y teoria, na final ora di termina e opleiding cu exito lo bo ricibi un MBO Diploma. Den e caso aki ta 30 Polis cu awe a ricibi na MBO Diploma di nivel 4.
Ayera caba 14 Polis a ricibi nan certificado pa cumpli nan prome 2 añanan na Scol di Polis. Awe den dos sesion a reparti e diplomanan na edificio di Scol di Polis. Un ceremonia special pa e Polisnan.
E prome 15 Polis a presenta hunto cu nan famia y conoci pa ricibi y firma nan diploma den presencia di alto comisario interino, Irma Gordon y tambe hefe di Scol di Polis, señora Baars. A tuma un pauze di 5 minuut pa e prome 15 Polisnan despedi y djey a sigui cu e di dos parti. Awo Aruba ta conta cu 30 Polis mas cu Diploma di MBO y 14 nobo cu a subi caya desde ayera.
