Analisis: Hende normal ta spaar pa propositonan necesario y situacionnan di urgencia. Partido AVP a haci net lo contrario. Nan a institui RdA pa uza como nan spaarpot, ‘Spaarpot RdA’. E tristo tawata ta cu enbes di spaar, nan a gasta tur placa di pueblo na prioridadnan robes. Pa cuminsa nan a pone di director te un simpel trahador cu salarionan astronomico. Pero, si bo ta amante di Mike de Meza, mas placa bo por gana pa luna.
E sinberguensa di Richard Arends no a perde pa gana y e tambe a ‘dig in’ den e Spaarpot RdA. Sin ningun escrupolo y desencia, el a gaña Palamento, el a gaña Gobernador y a gaña henter un pueblo firmando un contracto lucrative y fix su mes cu Spaarpot RdA. E mesun luna cu e la firma e contracto, Richard Arends a cobra Awg 31,200.00 y sin traha un dia. Esaki Richard Arends ta nenga rotundamente. Esaki por ta mentalidad di Richard Arends y Fraccion di AVP cu nan por sigui cobra sin bin traha na Parlamento?
KICO TUR E SPAARPOT DI AVP, SPAARPOT RDA A CUBRI:
1. RDA tawata un di e main sponser di Green Conference unda pa 3 aña a sponser esaki sin cu esaki a yuda Aruba den net nada: Awg 50.000,- pa aña cu un total di Awg.150.00,-
2. A charter un avion pa Mike Eman, Richard Arends, Paul Croes y full 24ora.com pa un dia un total di Awg 27.000,-. Y asina nan a bishita President Maduro y bin Aruba gaña full un pueblo cu e refineria lo habri.
3. A paga Horizon Consultancy Group cu ta pertenece na Richard Arends hopi placa pa duna mal conseho na e gobierno berde: Awg. 445,002,-
4. Tera Group, cu awor a bay falliet den e cambio di gobierno, no a keda afo di e fiesta, un total di AWG. 341,946.61 den 3 aña di tempo na mercadeo pa bisa pueblo hiep hiep hoera, refineria ta bay habri. Danki Dios cu Gobierno a cambia, sino enbes di a bay falliet, Tera Group awe lo ta sigui fiesta cu placa di pueblo.
5. RDA, hunto cu e bandidonan di AVP a celebra apertura di un refineria cu nunca a habri:
Marketing y PR pa apertura a gasta Awg 37,969.95. Stage and lighting a costa abo, pueblo awg.93,150.00. Esaki por lo menos 3 biaha nan a celebra apertura di refineria na grandi.
6. Bo ta corda e Artista internacional Destra Garcia? Well el a wordo busca pa e apertura fracasa y nos pueblo a paga un total di 37,592.49.
7. Mike Eman ta gusta un show, uno cu no ta sali di su cartera sino di pueblo y a paga un total di Awg. 23,211.30 na Fireworks pa un refineria cu te awe ta cera.
Y asina aki e Spaarpot di AVP, Spaarpot RDA y PAIS ARUBA a keda bashi bashi causa di locuranan di Mike y su bende di sinberguensa. Ta tempo pa tur ciudadano realisa e daño cu Mike Eman y su bende a causa pais Aruba. Ta e tipo di cosnan aki, ta pone cu awe ora Mike Eman sinti e prik di falta di fiestamento, e ta cuminsa grita cu Gobierno actual mester baha. Cu mester bin eleccion nobo. Pasobra Mike Eman ainda ta kere cu pueblo completo ta su tras. Cu pueblo ainda tin deseo di sigui su tras. Pero e unico deseo cu pueblo tin ta pa sigui Mike Eman na caminda pa KIA.
