Tres dia di awacero riba nos isla, diaranson te cu diabierna. Tur cos por cambia prome minister sra Evelyn Wever Croes a duna di conoce. Algo cu sigur ta confirma cu e tropical storm aki ta pasa pazuid di Aruba. Entra Aruba y Venezuela esaki ta un pasada di tempestad cu nos no ta custuma cune y lo bay experencia otro tipo di resultadonan.
Lama lo bay bira hopi bruto y asina na Aruba a emiti un smal craft warning y ta haci un apelacion urgente riba tur piscado pa saca boto for di lama. Mester bisa cu departamentonan di Gobierno mester bay na estado di prepara edificio y mas. Pa diaranosn merdia tur empleado di Gobierno lo bay cas pa atende cu esaki na cas. A mobilisa tur ekipo na nan post designa.
A pidi cada ciudadano pa tene precaucion necesario, principalmente esnan cu sa cu nan cas ta bay bou di awa y prepara tur cos of pasa na cas di famia diaranson anochi.
Gobierno ta poniendo extra atencion na Madiki, Zeewijk, Pos Chikito y Palm Beach cu ta e areanan cu ora tin hopi awacero ta haya molester. Ta pidi pa famia yuda esnan cu ta biba den e area aki den cualkier ocasion. E situacion ta mustra serio pero semper cosnan pro cambia na caminda asina prome Minister di Aruba a informa. Pero awor aki ta miho nos ta preveni y prepara