Desde dia 3 te cu 11 di Juni proximo lo tuma luga e di tres edicion di e “Dutch Caribbean Shark Week”. Pa un siman largo e Reino Hulandes lo enfoca poco mas atencion ariba tiburon. Tanto na Hulanda, y islanan den Caribe manera Saba, Sint Eustatius, Sint Maarten, Aruba, Boneiro y Corsou, lo haci diferente actividad pa trece mas information, concientisacion y proteccion pa e tiburonnan. Shark Week Aruba 2017 ta inicia diasabra 3 di Juni pa 6or di atardi cu un tremendo movie night den Parke Nacional Arikok. Ariba 7 di Juni proximo Jörgen Raymann lo duna un presentacion un bes mas pa e pueblo di Aruba. Como un embahador di Shark Foundation, Jörgen Raymann a biaha den e ultimo dianan den e region Caribense pa asina trece mas concientisacion ariba e importancia di Tribon pa e bida marino. Save Our Sharks Tribon tin un importancia enorme pa cu e sistema marino. E conteo di tribon mundialmente ta bahando drasticamente y por tin consecuencia pa ambos bida den nos sistema marino y riba tera. Adicionalmente na cierto luga nan rond mundo nan ta wordo considera un atraccion turistico pa divers. Pa e motibo e tribonnan mester wordo protehi. Organisacionnan na Aruba, Boneiro, Corsou, Saba, Sint Eustatius y Sint Maaren a uni hunto cu “Dutch Caribbean Nature Alliance” DCNA pa asina tuma accion di informa, concientisa tur hende ariba e importancia di e tribon pa e bida marino como riba tera. Tur informacion cu wordo presenta ta cientificamente proba pa asina por contribui na e conosemento di e tribon. E embahador di Save our Sharks Jörgen Raymann lo biahando na tur e islanan pa participa na tur e actividadnan y duna informacion na tur presente. Pa mas informacion di DCNA por bishita nan website www.saveoursharks.nl Pa mas informacion di Shark Week Aruba 2017 bishita nos Facebook Page: Arikok National Park of nos website www.arubanationalpark.org