Sra. Evelyne Wever- Croes, lider di partido MEP, diabierna a eherce su derecho di voto na districto di Oranjestad na Maria College. El a yega compaña pa un grupo grandi di simpatisantenan den un caravana como tambe su famia.
Sra. Wever- Croes a duna su opinion tocante e diferente urnanan, y den e caso aki ta conoci cu Dakota ta un districto mas inclina pa e partido AVP. E biaha aki MEP tin tres candidato den e districto di Dakota, cu segun e lider ta yudanan tambe y por sinti cu MEP ta mas fuerte e biaha aki den Dakota.
Den e dianan aki tabata tin cierto movecionnan, strategia di campaña door di sigui campaña den bario y tambe a haci uzo hopi di rednan social. Sra. Croes ta di opinion cu e comunidad ta cla pa un cambio, cu e ultimo 8 añanan e gobierno a causa destruccion na nos pais y e kier un cambio.
E punto mas principal ta criminalidad, pero tambe e cosnan ilegal tumando luga como tambe corrupcion y esey ta un punto cu tin hopi cansa. E Arubiano ta un persona hopi orguyoso di nan pais di su logronan. Y pa pasa den tanto cos awo, den tanto escandalo y corupcion y esey tin hopi hende molestia. Pobresa ta bin door di costo halto di bida, cu no tin control di prijs, e cuido di salud cu ta deteriora como tambe enseñansa. Esey ta e puntonan cu mas ta biba den comunidad.
Pa trece cambio lo cuminsa na pone control na nos fronteranan prome, pone ordo den e desorden financiero na Aruba, baha e cantidad di minsiter di 9 pa 7 minister. Esey caba ta trece un besparing di 50 pa 70 miyon florin, cu lo por hinca caba den combati criminalidad miho y tambe den enseñansa y cuido di salud.
Algo cu a hala hopi atencion tabata e hecho cu tabata tin menos hende cu bandera, ya cu tin hende toch ainda tin miedo di vota ya cu persecucion politico ta hunga un rol. Ora di campaña bo ta drenta casnan di hende sin importa e color di bandera colga den cura. Tur ta ricibibo cu e mesun cariño. Segun Sra. Wever- Croes, e silent voter ta esun cu lo haci diferencia e aña aki.