Android ta un di e sistemanan operativo mas popular na mundo y esun mas uza riba telefonnan inteligente. September ultimo, e servicio popular aki a cumpli 8 aña di bida.
Tabata tin ya varios version diferente di Android cu Google a custuma nos na bautisa nan cu e nomber di un dessert diferente. Esun di mas popular tabata Android KitKat y pa e version di Android N, a emociona nos cu e nomber di Nutella, aunke na final a caba na yama Nougat. Pero awo den un pista nobo ta sugeri cu Android o lo mester yama…. Oreo?!
Tabata e vice presidente di Android, Hiroshi Lockheimer, kende a encarga di emociona e comunidad cu un tweet caminda cu por aprecia un GIF cu un bolo rondona pa cukinan Oreo, cual lo tabata dirigi pa Dan Seifert, editor di The Verge, cu kende constantemente e ta debati riba e novedadnan di Android.
No ta prome biaha, ni lo ta e ultimo cu Hiroshi Lockheimer, ta lanta e animonan riba internet door di duna pista riba e futuro nomber di e versionnan di Android, de hecho cu ya el a tweet un paar di ocasion cu Android P por yama Android Pocky, un popular cos dushi Hapones cu ta consisti di un palito di pan cubri pa un capa di cos dushi di diferente sabor.
E siguiente version di Android lo wordo divulga durante e Google I/O den e luna di Mei, conferencia cu Google ta prepara tur aña pa presenta varios novedad na nivel di software pa tur comunidad di desaroyador y usuarionan cu ta traha y uza e popular sistema operativo aki.
Claro cu e nomber oficial no a wordo revela durante e evento, pero como ta e custumber, e buscado sa duna varios pista di nomber na final di e version, incluso aña pasa a lansa un website caminda cu e usuarionan di Android por vota pa e nomber faborito pa Android N, cu manera a menciona, nos ta keda cu gana pa el a yama Nutella, di loke nos ta spera cu Android O caba pa wordo bautisa como Oreo.
Ki nomber abo lo duna e version nobo di Android?
Fuente: www.unocero.com