E fundacion Institute for Financial Education Aruba (IFEA) ta tene cu prome charla, titula “ Het Trump effect en meer .” Oradornan internacional invita Sr. Gerald Kampijon y Sr. Michel Hammann experto riba tereno financiero.
Despues cu a bira conoci cu e candidato presidencial republicano Sr. Donald Trump lo gana e eleccion Mericano, mundialmente inversionistanan y negociantenan di productonan financiero tabata riba abou. Apesar cu e speech di victoria di e presidente eligi, a calma tur hende un poco, nos sa miho awor despues di algun siman. Su maneho di negoshi anuncia, e habrimento di discusion encuanto recomendacionan internacional di e Basel Comite encuanto exigencianan di capital pa banconan, retroce e Dod Frank act, unda cu banconan ta haya e libertad bek pa negocia pa nan mesun cuenta y risico ta un par di ehempelnan cu a zorg pa basta inkietud riba e mercado financiero.
Pero internacionalmente tin hopi mas cos cu ta hungando un rol. Kico lo ta e impacto riba e mercadonan si e Banco di Central Europeo dicidi di termina e programa di extension monetario? Ya caba varios eleccionnan parlamentario y presidencial Europeo ta tira un bista adelanta.
Atraves di preguntanan y notanan, tambe for di sala, e expertonan Gerard Kampijon y Michel Hamman di Hulanda lo duna nan vision riba e mercado financiero di awe y majan. Pa mas cu cuarenta aña Gerald y Michel ta activo como bankero, negociante, riskmanager, consultant y docente y ta comparti cu placer nan conocemento, vision y experiencianan cu un publico amplio. Na un manera contemporario nan sa con pa inspira nan audiencia y motiva nan pa sigui e desaroyo riba e tereno aki di cerca y keda actualisa e know-how permanentemente.
E charla “Het Trump effect en meer…..” lo tuma luga diaranson 5 di april pa 7:30 di anochi den aula di Universidad di Aruba. Entrada lo ta gratis.