Baking Soda ta yuda elimina substancianan kimico cu bo por haya den bo cabey y bo cuero di cabes. Ademas, e ta haci cu bo cabey ta crece rapidamente y luci sano, suave y briyante.
No duda den purba e tratamento natural aki, na principio cual por ta bay ta dificil pa laba bo shampoo sin e scuma di shampoo, pero e lo bal la pena.
Con pa prepara e shampoo di baking soda:
Basha un glas di awa te cu e mita. Agrega 2 cuchara di baking soda y mescl’e bon (e cantidad ta depende di e largura di e cabey). Por ehempel, si bo cabey ta mas largo cu bo schouder, hinca 3 cuchara di baking soda y un glas yena cu awa. Uza un botter di tamaño chikito of mediano pa mescla tur e ingredientenan.
Aplica e remedi aki riba henter bo cabey muha, cuminsa cu un massage suave desde e raisnan te cu e extremonan, laga e mescla reposa 3 minuut. hawa cu awa lauw pa retira e residuonan di baking soda.
Por ultimo, aplica binager pa hawa: basha awa den un glas te cu su mita, agrega 2 cuchara di binager di appel y mescl’e hopi bon. Den caso cu bo no ta soporta e holor di binager, bo por agrega 2 druppel di azeta di menta, lavander of rosemarijn.
Bo tin cu aplica esaki 2 biaha pa siman te ora obtene e resultadonan desea.
Awo cu ya bo conoce e shampoo di baking soda, cu ademas ta efectivo, tambe ta natural y economico. Anima bo mes na purba esaki y recomend’e.
Fuente: http://www.cuidadosdetusalud.com/