Lider di partido POR , Sr. Otmar Oduber a yega Colegio San Hose na Santa Cruz, compaña pa su señora Lisette, su simpatizantenan, como tambe algun compañero di partido.
Sr. Oduber a haci un suplica na e pueblo votador pa tur cos cana manera e ta bayendo den oranan di mainta, tur cos cana trankilo. Partido POR a cuminsa for di trempan caba cu un programa di accion cu nan ta bay cun’e na comunidad, despues di a reuni cu hopi instancia den comunidad. Despues nan a duna pueblo e oportunidad di duna nan input.
POR a hiba un campaña cu hopi positivismo, cu nan por otro, cu nan por pone e atencion ariba e parti humano, di e pueblo di Aruba, pa e hende sa cu despues di 22 di September, unda cu nan lo marca historia na Aruba. Aruba lo haya un gobierno pa traha pa e pueblo, cu lo bay traha pa abo tin acceso medico cu ta mas na e calidad di bida cu nos ta desea. Pa e ciudadano haya un miho salario pa e costo di bida halto cu tin na Aruba. Y naturalmente pone hopi atencion na enseñansa cu ta loke pueblo a bin ta pidi. POR ta consisti di 29 candidato cu hunto lo traha pa e bienestar di Aruba.
Despues di 31 aña di berde, geel y geel, berde ta tempo pa un cambio berdadero. Segun Sr. Oduber, POR no a lanta pasobra cu Otmar a rabia. POR a lanta pasobra esey ta loke e pueblo tabata anhela. Tur e candidatonan ariba lista nan por presenta na e comunidad di Aruba un alternativa, serio y real na Aruba unda cu e pueblo sa cu e proximo gobierno POR lo ta den dje, pa e pueblo di Aruba y hunto cu e pueblo di Aruba.