CEO di ATA, sra. Ronella Croes ta papia di e proyeccion cu a indica pa december. E ta bisa cu ta cerando e aña no logrando di supera e bahada di 67% compara cu 2019. E reto mas grandi pa pa por aumenta e ingreso y cantidad di bishitante pa asina tin entrada economico pa pais Aruba.
E ta bisa cu tin lacho estrecho y cooperacion cu diferente departamento gubernamental cu a traha y participa pa e analisis economico pa otro aña. E proyeccion ta recupera entre 45% pa 60% di locual a ricibi na 2019.
“Nos ta sigui cu e situacion cambiamento rond mundo y riba e topico actual. E diferente movecion cu tin cu aeropuerto y aerolinea cu ta poniendo pa test prome cu biaha. Esey ta tur e cosnan cu nos ta keda traha riba dje”, e ta splica.
E meta ta pa keda atrae mas turista pero esnan cu tin un punto fuerte riba dje. E ta bisa cu mester keda enfoca riba e mercado fuerte, incluyendo e crucero, pa keda inverti den turismo y un upgrade pa mehora experencia na Aruba.
Sra. Croes ta bisa cu manera organisacion tambe ta pasando den situacion dificil, mirando cu tin menos presupuesto pa traha cune ‘awo den un crisis nunca antes mira’. E ta bisa cu por inverti den mercado nobo pero nan ta bay den un retorno mas lihe ‘esey ta parti di strategia’.
Pa locual ta e codigo gel pa Hulanda, Europa, sra. Croes ta bisa cu ta sacando probecho cu esaki, pa no experencia locual a pasa na September y esaki no ripiti. “Nos tin beneficio y ta sacando probecho riba esaki.”
Di parti di ta ATA ta bisa cu ta importante pa hende keda cu e meta principal na bista. “Nos ta depende completamente di turismo. Esun cu no tabata consciente di dje, awo a ripara e impacto y mester e turismo bin bek.”
E ta bisa cu e ta compronde cu hende ta kisas, e ta un fenomeno mundial y locual hende ta pasando aden pero mester tene na cuenta cu ta keda den nos man pa e recuperacion economico y bienestar. Pa contene e virus, e cifra netjes y pa no subi den caso positivo ‘no perde motivacion y bay dilanti’.