ROMA, Italia – Esaki lo bay bira e reto di mas grandi di e hoben prome minister Italiano, Matteo Renzi. E Italianonan lo vota awe den un referendum riba un cambio den e constitucion. Na prome instante esaki lo a mustra un referendum gana pa Renzi. Pero desde cu su opositornan ta mira esaki e chens pa manda su gobierno cas, esaki lo bay bira un votacion hopi interesante.
Mientras tanto Europa ta mantene su rosea riba e consecuencianan.
E referendum ta wordo mira como e dossier di mas dificil di e mandato di Renzi, di apenas 41 aña. El a drenta na 2014 como e prome minister no eligi despues di un lucha basta fuerte dentro di e partido social democrata Partito Democratico (PD). Un voto di no awor por despues di dos aña cu el a sinta por encamina te su salida inmediato y no lo participa den eleccionnan siguiente. Esaki lo ta segun algun media Italiano na Maart 2017. Un otro posibilidad ta cu e presidente Sergio Mattarella nombra un Gobierno temporal y tecnico te cu 2018. E aña ey tin plan pa tene e eleccionnan.
Den e ultimo dianan prome minister Renzi a papia palabranan menasante riba e consecuencianan di un “no”.
“Naturalmente e resultado por tin consecuencia riba e gobierno di Italia. Pero mi no tin gana di hiba un Gobierno cu ta tambalea cu ta wordo bombardea pa oposicion.”
Fuente: NOS.nl