E ‘Queen of Soul’ ta hopi malo

LIFESTYLE

DETROIT, Merca – E cantante, Aretha Franklin, ganado na multiple ocasion di premionan Grammy, cu su legacia ta bay bek varios decada, ta hopi malo y ta rondona pa su famia. Esaki a wordo informa door di un reportero, amigo di famia.
E cantante di 76 aña “Queen of Soul” Franklin, conoci pa su hitnan manera “Respect” (1967) y “I Say a Little Prayer” (1968), “ta grave na Detroit. Famia ta pidi pa tene den oracion y pa respeta nan privacidad”, Roger Friedman scirbi ariba su portal Showbiz 411.
Franklin, cu a wordo diagnostica cu cancer na 2010, a duna su ultimo presentación na november 2017 pa e Elton John AIDS Foundation na New York. Su ultimo presentación publico tabata na Philadelphia na augustus 2017.
“Tabata un show maraviyoso ya cu eynan caba Aretha tabata luchando contra cansancio y dehidratacion”, Friedman a scirbi, describiendo e presentación di Aretha na Philadelphia.
Durante su extenso carera musical, Franklin a gana 18 premio Grammy, incluyendo uno pa ‘Lifetime Achievement’.
Hitnan di Franklin ta inclui “(You Make Me Feel Like) A Natural Woman” (1968), “Day Dreaming” (1972), “Jump to It” (1982), “Freeway of Love” (1985), y “A Rose Is Still A Rose,” (1998).
Na 1987, Aretha Franklint abata e prome hende muhe pa drenta e Rock and Roll Hall of Fame.
“I Knew You Were Waiting for Me,” canta den duo cu e fayecido cantante Britanico George Michael, tabata un di su hitnan cu cual el a gana un Grammy.
Na 2005, e Medaya Presidencial di Libertad (Presidential Medal of Freedom ), e premio mas halto otorga na un civil, pa e presidente di e tempo ey George W. Bush.
Y na january 2009 Franklin a canta na e inauguracion presidencial di Barack Obama.

Fuente: https://www.afp.com/en/news/

Comments

comments