Por pidi pa e servicio di e taxi bulado pa medio di un aplicacion. Den e ciudad lo tin varios punto caminda cu e pasaheronan por tuma un taxi, cu lo por bula pa 30 minuut.
Esaki lo ta e prome servicio di taxi bulado cu drone, den marco di un plan ambicioso di e ciudad den e Emiratonan Arabe Uni, pa lidera e mundo Arabe den innovacion.
E taxi bulado a wordo desaroya pa e compania Aleman di drone, Volocopter y e tin parecido cu un cockpit di helicopter di dos asiento, corona cu un amplio aro di 18 blade. Durante su prome vuelo di prueba, e no tabata tin tripulacion.
E dron, cu ta funciona via remote control y tin un duracion maximo di vuelo di 30 minuut, tin varios herment den caso di problema: bateria di spare, y den e peor de los casos, un paar di parachute.
Volocopter ta compitiendo cu mas di un decena di companianan Europeo y Mericano, cada un cu nan mesun vision pa crea un forma nobo di transporte urbando cu ta un mescla di un vehiculo di motor sin chauffeur y un avion cortico cu despegue y aterisahe vertical.
Fuente: http://www.infobae.com