JERUSALEM, Israel – E no a mira luz desde 1555 te cu awo. Un ekipo di experto Griego a laga na descubierto e tapa di graf di loke tradicionalmente ta wordo considera e graf di Hesucristo, situa den e Iglesia di Santo Sepulcro den e Ciudad Bieu di Jerusalem. Segun National Geographic a publicao, e resultadonan preliminar di e investigacion ta indica cu e porcionnan di e graf ta sigui conserva y a sobrevivi na e daño, e deribo y e reconstruccion di e tempel.
E custodio adhunto di e Tera Santo, Bonifacio di Ragusa a ordena cinco siglo pasa, pa cubri e gras cu un tapa di marmer pa protehe. E fraile Franciscano Artemio Vitores, kende fuera di custidio adhunto di e luga a sigura den declaracionnan na EFE cu Bonifacio a pidi “un partido den dos pa e parce inservibel y pa na no horta den dje.” E medida kier pa evita supuestamente, cu e peregrinonan kita pidanan di e graf como recuerdo.
Durane e obranan cu a wordo realisa, tabata prome biaha cu por a mira e tapa original.
E luga di mas sagrado pa Cristiandad ta consisti den un plataforma di piedra di calichi cu a wordo graba den e muraya di un cueba. E investigadonan a cuminsa cu e labornan pa retira e revestimento di marmer riba e anochi di dia 26 di Octobe. Tras di 60 ora intenso di trabao ininterumpi, nan por a comproba cu e piedra original lo a wordo manteni intacto.
Fredrik Hiebert, arkeologo a bisa na National Geographic cu aunke ainda no por confirma 100%, “parce cu tin pruebanan visibel cu e ubicacion di e graf no a cambia atrabes di tempo,” algo cu cientifico y historiadonan a cuestiona durante decada.
Investigadonan, ademas, a confirma e existencia di e murayanan original di e cueba cu ta cubri e graf y a habri un parti den e muraya interior zuid di e santuario pa cu un di e murayanan keda exponi. Awo, e expertonan ta sigui cu e investigacion pa descubri mas detaye riba e luga.
Tras dos dia y mey di trabao, cientificonan a bolbe cera e graf cu un bistimento di marmer original riba e anochi di dia 28 di October. E no lo bolbe wordo exponi durante siglo of incluso mileio, pa e keda conserva manera cu e ta awor aki.
Fuente: La Vanguardia