E prome guia pa hobennan di Caribe cu ta bay studia na Hulanda

Curacao: Studiantenan di Karibe tin mas difikultat pa kaba nan promé aña di estudio i hopi biaha no ta tèrminá nan estudio ku un diploma. “Esaki lo no mester ta e kaso, paso tin hopi studiante ku tin e kapasidat. Ta lamentabel ku frekuentemente e studiantenan tin un imagen distorshoná di Hulanda” , sigun Marhainska Sakoetoe, ortopedagogo i outor di su promé buki Hulanda? Stò’i nèk! – un manual ku tepnan realísitko komplementá ku eksperensia di hóbennan Karibense studiando na Hulanda.

Ku e buki Hulanda? Stò’i nèk! , Marhainska Sakoetoe ke pinta un imagen realístiko pa studiantenan Karibense. Den e buki aki e outor ta duna tepnan pa prepará pa e bida na Hulanda, e ta komparti su mes eksperensia i e ta splika ku bo mester tin un motivashon interno pa e kapítulo nobo aki den bo bida. E guia pa hóbennan Karibense na papiamentu aki ta un primisia. Sakoetoe, ku na 2007 a disidí di bai studia pedagogía na Hulanda, a ripará ku hopi hóben ta keda pegá i ku nan no por basa nan eskohonan riba realidat ku solamente e informashon vigente di outoridatnan públiko.

“Emigrá pa e otro banda di mundu pa un estudio, no ta pa tur hende. Ta e responsabilidat di e hóbennan i nan mayornan pa tuma kòntròl i logra algu”, Sakoetoe ta konta. Ta un eskoho ku hopi konsekuensha: bo tin ku siña dil ku heimwé, bo mes finansa i atversidatnan. Ta problemanan ku frekuentemente, en parte danki na e diferensianan grandi entre kultura Karibense i kultura Hulandes, ta keda invisibel.

Na maart 2020, Nationale Ombudsman a habri un investigashon pa investigá problemanan ku studiantenan di Islanan den Karibe ta enkontrá durante òf despues di nan estudio na Hulanda. Ombudsman a haña diferente señalnan for di e grupo aki. Mientras tantu a habri un punto di informe pa kolektá eksperensia. E investigashon aki – ku lo ser publiká december – lo hiba na rekomendashonannan pa mehorá preparashon, estadía i kuido di e studiantenan. Sakoetoe ta bisa: “Hopi bon ku ta tuma medida pa un mihó maneho pa loke ta trata guia di e grupo di studiante aki. Esei ta duna speransa. Esaki no ta kita ku mayoria studiante ta buska informashon i apoyo den nan mes sirkulo sosial. Ku mi buki mi ta spera di fortalesé e sirkulo sosial ei.”

Tin aproksimadamente 11.000 studiante for di Aruba, Kòrsou, Sint-Maarten i e munisipionan speshal (bijzondere gemeenten) Boneiru, Sint Eustatius i Saba studiando na Hulanda. Estadístika di CBS ta mustra ku kasi mitar di e populashon di hóbennan for di e seis islanan aki a emigrá entre 2013 i 2017 bin Hulanda. For di kua dos tersera parti a emigrá pa un estudio.

Nota pa redakshon. Imagennan ku resolushon haltu ta disponibel den e presskit añadí. Pa mas informashon: +31(0)6-23772424, info@marhainskasakoetoe.comdirigí na Bente Bergmans. www.marhainskasakoetoe.com

Comments

comments