Como parti di e preparacion pa e proceso di tendering pa e cosntruccion di e proyecto di expansion di e terminal principal, Aruba Airport Authority N.V. (AAA) lo organiza un “Construction Fair” den su esfuerso pa introduci companianan di construccion internacional potencial na e comunidad di negoshi local hunto cu e departamentonan gubernamental esencial. E escala grandi di e proyecto di expansion lo rekeri colaboracion y participacion di varios compania di construccion local cu lo mester traha hunto pa yega e metanan di construccion di aeropuerto.
E “Contruction Fair” lo tuma lugar na Aruba dia 29 di November 2018. E proposito principal di e Construction Fair ta pa presenta e proyecto di expansion Gateway 2030 na e industria di cosntruccion na Aruba y pa crea e oportunidad pa contratistanan internacional y local pa topa otro y forma un posibel corporacion y pa brinda e contratistanan internacional cu informacion riba e aspecto di haci negoshi na Aruba.
“E inversionnan grandi cu lo wordo haci den e proximo añanan no solamente lo tin un impacto grandi riba e infrastructura di aeropuerto, pero e inversionnan aki lo percura tambe pa un boost den e economia di Aruba door di aumenta actividad di trabou y negoshi local. E Construction Fair ta diseña pa duna companianan di construccion grandi internacional e oportunidad pa topa “one-on-one” cu Aruba su companianan di construccion local, den e esfuerso pa inclui e participacion di companianan local den e proyecto di expansion Gateway 2030; y brinda informacion importante riba e rekesitonan di Aruba pa establese un negoshi, e sistema di impuesto, polisanan di labor y otro informacion importante pa por haci negoshi aki na Aruba. Nos ta convenci cu e Construction Fair lo ta un bon oportunidad pa companianan di construccion local y internacional pa conose otro, intercambia informacion y forma partnerships y yega na e balans necesario di experticio local y internacional pa ehecuta un proyecto asina grandi y complex. Nos ta invita tur compania pa registra y forma parti di e oportunidad di negoshi unico aki,” asina CEO di AAA Sr. James Fazio a bisa.
Aeropuerto di Aruba ta invita tur compania di construccion estableci y cu experencia, local y internacional pa registra pa e evento (cu lo tuma lugar henter dia) via email na [email protected] te cu 23 di November 2018.