Dia 1 di december lo tuma luga e First Aruba International Medicinal Cannabis Conference 2018, pa cual Sra. Maria Silva y Sra. Vicky Perez ta splica mas ariba esaki.
Sra. Maria Silva a splica cu e conferencia aki ta bay ta uno medicinal, unda cu lo bay papia e cannabis medicinal. Ora ta papia di cannabis medicinal, no por papia solamente di e impacto medicinal, pero tambe e impacto social ariba dje, economico,. Esey ta algo cu kier trece dilanti, mirando cu e pueblo en general tin hopi duda. E duda ta crea hopi miedo rond di dje. A pensa cual ta e manera mas eficiente pa duna e informacion, pa educa e pueblo.
Laganan bin e conferencia, haci pregunta, aclaria nan miedo, papia ariba e tema aki y wak tur e beneficionan cu por haya si introduci cannabis medicinal. Tambe cualkier duda, lo tin specialista cu nan lo por acerca e tema un tiki mas den nan ramo, cu por duna e informacion di e miho manera.
Lo bay tin un grupo di panelista di 30 diferente persona durante e conferencia aki, cu ta den e ramo di legalisacion, criminalisacion, economico. Nan lo tin un plataforma unda cu nan por pone tur e investigacion haci na nan mesun pais, obstaculonan cu nan a pasa, como tambe e retonan. E panelistanan ta di berdad ta un intercambio di informacion.
Tin un panel di discusion consistiendo di specialistanan so. Tambe lo tin varios specialista cu lo ta oradornan na e conferencia aki, nan experiencia, nan retonan cu nan a pasa aden. Lo bay tin oradornan cu a wordo invita, cu a acepta di biaha, pa trece informacion dilanti.
E conferesistanan invita na e conferencia ta bin di Merca, un dokter cu ta specialisa den cannabis medicinal, e ta dr. Sue Sisley, cu ta bin di Phoenix, Arizona. E ta no solamente presidente di un instituto investigativo, pero tambe e ta un activista den e legalisacion na Merca completo. Ora cu Congreso, den cada estado, toca e tema aki, e ta wordo invita door di e congresistanan, pa bin duna un presentacion.
For di Colombia lo bin un Senador di Colombia, Juan Luis Castro, mirando cu Colombia ta den e proceso di legalisacion di cannabis medicinal. Pero e ta tambe un psikiatra infantil y pa adolescentenan. Durante e conferencia e lo papia di e beneficio di cannabis pa mucha. Tambe ta papiando cu’n ex candidato presidencial di Colombia, Sra. Piedad Cordoba, di e beneficio di e impacto di e legalisacion di cannabis medicinal den un pais. Y e lo papia di su experiencia di esaki na Colombia.
Pero tambe lo tin un persona cu ta hopi importante na Merca, cu ta General Wesley Clarke cu ta un ex candidato presidencial di Merca, na 2 ocasion. E ta un activista continuo den e legalisacion di cannabis medicinal den varios estado di Merca. E tin un organisacion unda e ta yuda dokternan den e investigacion di cannabis medicinal. General Clarke tambe lo duna tur informacion di pakico e ta beneficioso, tocante leynan cu a pasa. Pero tambe lo tin un otro panelista, un CEO di un organisacion grandi na Puerto Rico, Sr. Ricky Castro. E lo papia di e Finals Parts di e Benefit of Legalisation di Medical Cannabis.
Como e prome pais den Caribe Hulandes, Aruba ta e pionero den e Prome Conferencia Internacional di Medical Cannabis. Esey ta e prome logro riba e topico aki, den educacion. Pero e mas importante ta cu e no a wordo realisa na Corsou, Bonaire of St. Maarten. Pero Aruba a wordo scogi pa bira e destino pa habri e conferencia aki. Pa Aruba e ta algo bon tambe.
Door cu tin hopi controversia na Aruba, e miho situacion pa por trece e informacion corecto ta di hendenan cu ta experto den e topico, pero den paisnan cu e ta caba di desaroya. Pakico? Pasobra cu si tin hende na Aruba cu tin duda, pregutna, cu kier haya mas informacion, pa nan por habri nos wowonan, nos mente, pa un algo diferente, e miho experticio ta di esun cu ta aden caba.
