MOSCU, Rusia- Diasabra 28 di april a cuminsa e travesia di e unidad di energia nuclear flotante Akademik Lomonosov, segun e agencia TASS a informa. E central flotante ta ekipa cu reactornan cu por genera te cu 70 MW di electricidad, suficiente pa abastece un ciudad di 200 mil habitante.
Esaki ta e unico unidad di energia nuclear flotante di mundo, e compania cu ta opera e centralnan nuclear Ruso Rosenergoatom , cu ta forma parti di e corporacion estatal Rosatom y cu ta representa su division di energia a informa.
Despues di a bandona e teritorio di e Planta di Baltico na St. Petersburg, unda el a wordo contrui, Akademik Lomonosov ta dirigi su mes cu e yudansa di tugbootnan na un velocidad di 6 km pa hora pa e ciudad Ruso di Murmansk, unda cu e lo wordo carga cu combustibel nuclear. Despues e lo sigui pa su destino final, cu e ciudad portario di Pevek, den e districto autonomo di Chukotka, na más de 4.mil km di distancia a traves di e Oceano Artico.
E obhetivo di e unidad ta di suministra electricidad na ciudadnan portuario y plataformanan di gas y petroleo situa riba lama grandi, segun su creadonan a splica.
Akadémik Lomonosov tambe por desalina awa y produci te cu 240 mil meter cubico di awa dushi pa dia. E periodo di explotacion di e unidad ta di 35 pa 40 aña.