E prome barco crucero t’ey bek na Aruba

Awe mainta tabatin hopi cara feliz. Aruba a ricibi su prome barco crucero bek desde inicio di e pandemia. Ta trata di Celebrity Millenium.

Personal di DVG tabata presente pa controla cu a cumpli cu tur e rekisitonan di Aruba relaciona cu Covid-19.

E barco a prácticamente mara na e ora programa, c uta 8’or di mainta. Y ya pa 8.20 e prome dos pasaheronan, dos cabayero, tabata pafo pa cuminsa disfruta di loke Aruba tin di ofrece.

Paden tabatin un ceremonia cu tocamento di música local pa yama e bishitantenan bon bini na Aruba, den reapertura di mundo di turismo crucero pa Aruba.

E barco a trece rond di 900 pasahero. Manera ta conocí, nan por realisa e biahenan aki na solamente 50% di nan capacidad y tur hende mester ta vacuna.

E Schedule actual ta mustra cu for di awo pa December lo ricibi un poco mas cu 80 barco crucero. Esaki lo por bira mas, si e haf di Miami tambe habri.

 

Comments

comments