Carlos Zubieta coordinador di Green Corridor a splica tocante di e proceso di e trabaonan riba e sidewalk, cu ta un trabao manual di klinker pa klinker cu ta tuma cierto tempo. Ta purba di organisa e trabaonan pa e personanan por tin un informacion adecua di cual ta e zonanan unda ta trahando ariba e obra. E tema di Savaneta, ta un pida basta largo di 2 pa 3 km, unda ta haciendo un cambio total di landscaping, poniendo walkway nobo, nan tabata tin buraco y desnivela. E contratista ta haciendo un cambio total di e zona.
Sr. Zubieta ta gradici e usuarionan pa e pasenshi ya cu nan a wordo afecta, pero pa nan compronde cu esaki ta algo momentaneo y cu ya e proceso ta den su fase final. Ta tuma un tempo basta largo, ya cu e ta un proceso completamente nobo. No por uza niun tipo di mashin, pero ya por cuminsa wak e producto final.
Si compara e proceso di landscaping awo y di prome cu a cuminsa cu e proyecto, por wak un cambio grandi den e landscaping. E trabaonan ya caba ta finalisando, pa cuminsa planta mata pa completa e fase final di vegetacion den e proyecto, cu esaki ta e otro balor agrega cu ta bin den e fase aki.