Pa di 38 aña Rotary Club of Aruba ta bay organisa e popular Fiesta Rotaria. Esaki lo tuma lugar ariba diadomingo 15 di april 2018 na e parking lot di Stadion Guillermo Trinidad. E miembronan di Rotary ta den full preparacion pa e dia aki.
Tur buki di rifa ta afo y cla pa benta. Manera pa basta aña caba na final di e Fiesta Rotaria ta saca e numbernan ganado pa e rifa. Tur aña tin premionan atractivo na unda pa solamente Afl. 25,- bo por gana un di e 12 tremendo premio nan. E bukinan di rifa ya ta obtenibel cerca tur miembro di Rotary. E premio nan ta varia di un auto Suzuki Vitara pa un Smart TV y diferente gift certificates.
Presidente Gerardo Oduber ta comenta cu Fiesta Rotaria ta e evento di mas grandi di Rotary pa recauda fondo. E fondonan aki lo wordo reparti entre diferente fundacionan y organsacion den nos communidad. Kiermen cu cada di compra di un rifa abo ta aporta na nos comunidad.
Rotary Club of Aruba kier a gradici Ultimate Automobiles, Maduro Travel, KLM, AMC Unicon, Boolchands, Kooyman, CMB, Ling & Sons, Divi Resorts Aruba, Hagemeyer y Pearl Gems pa hasi e premionan di e rifa posibel.