PORT-AU-PRINCE, Haiti – E wowo di horcan Matthew a yega Haiti. El a toca tera cerca di Les Anglais, west di e pais awe mainta, segun Centro Nacional di Horcan.
Matthew ta sigui ta un horcan peligroso di categoria 4 cu biento di hasta 230 kilometer pa ora.
Ta posibel c e por toca tera mas despues awe oost di Cuba.
Ciudadnan di Anse-d’Hainault y Tiburon ta parcialmente inunda.
Proteccion Civil tambe a reporta cu 6416 persona a wordo desplasa na refugionan temporal den e parti zuid.
E consecuencianan di Matthew por ta devastador den e nacion empobreci cu ainda ta recuperando di e teremoto di 2010.
Tres persona a fayece pa motibo di horcan den e ultimo siman, autoridadnan a bisa.
Na haiti, Guillaume Albert Moleon, director di comunicacion pa e Ministerio di Interior, a bisa cu un piscado a fayece diadomingo. Un di dos piscado a wordo declara morto, pero su no a wordo recupera.
Na Sint Vincent & Grenadines, un adolescente a fayece den un deslisamento di tera.
Fuente: CNN en Español