Hopi persona no ta consciente di e privilegionan cu nan passpoort ta dunanan te ora cu nan cuminsa biaha y nan mester haci uzo di dje.
Bo nacionalidad por harbi fronteranan di otro paisnan pa bishita ora di bay cu vakantie of kisas ta obliga bo di pidi un visa cu anticipacion pa por drenta e pais.
Pero cual ta e passpoort mas “poderoso” pa biaha?
Segun e ultimo lista di e consultor internacional Henley & Partners basa riba datonan di e Asociación Internacional di Transporte Aereo, e passpoort di Japon ta esun cu ta permiti su ciudadanonan pa biaha pa mas pais sin mester di pidi visa.
Despues di a firma un acuerdo cu Myanmar e luna aki, e ciudadanonan di ambos pais por biaha libremente pa 190 nacion.
Riba e mesun lista aki, ta sigui paisnan manera Singapur y Alemania. Pa prome biaha desde 2014, e pais Europeo no ta conta cu un di dos passpoort mas poderoso di mundo.
Ciudadanonan di Spaña por biaha pa 187 pais.
E consultor a destaca e evolucion di Emiratonan Arabe Uni considera e miho passpoort di e zona di Medio Oriente despues di a subi for di puesto 62 na 2006 pa 21 actualmente.
Di otro banda, e ciudadanonan cu mayor dificultad pa biaha internacionalmente ta Irak y Afghanistan (30 pais sin mester di visa), Somalia y Siria (32).
America Latina
Den Latinoamerica, e passpoort di Chile a bolbe posiciona su mes como esun mas poderoso di e region ora cu e ta permiti su ciudadanonan pa biaha pa 174 pais sin mester di visa.
E pais a subi di puesto di manera constante den e ultimo actualisacionnan di e ranking aki. Den e informe publica na juli 2017, por ehempel, tabata duna acceso na 143 pais y ta aparece tras di Brazil y Argentina, cu awo ta ocupa e di dos y di tres luga, respectivamente despues di Chile.