Pa FCCA na e momento aki ta trata di yuda tur hende pa yega na un cas via FCCA despues cu minister a pidi pa yuda hendenan logra esaki pa cual aki Sr. Franklin Leest, vocero di FCCA ta splica.
Enberdad, a bin e peticion pa na momento cu un persona bin na remarca pa haya un pida tereno di gobierno na DIP, nan mester entrega un carta di un instancia financiero y hopi hende ta bin na FCCA. Esaki ta pa nan haya un carta for di FCCA, y e rekisito ta pa nan bin cu nan payslip y nan ID, pa haci un calculacion pa wak kico nan por bin na remarca pa un financiamento pa traha un cas propio.
FCCA ta haci un investigacion pa wak si berdaderamente, e persona por carga e financiamento y si ta positivo, nan ta haya un carta for di FCCA pa nan por bay DIP cu nan.
Mayoria di hende cu tin un entrada por bin na remarca pa un hypotheek cerca FCCA. Pero hopi biaha e entradanan ta hopi dudoso, e trabaonan no ta vast of un dia nan ta traha aki of aya. Y e tipo di ciudadanonan aki, mester dunanan un otro opcion. Pero sinembargo, tur esunnan cu tin un trabao vast, por bin na FCCA pa haci calculacion y FCCA lo haci investigacion si nan por carga e suma cu nan ta bin na remarca pe.
Tin e di dos categoria, unda cu e persona no ta bin na remarca pa un hypoteca, FCCA ta traha casnan pa asina personana aki por bin na remarca pa por huur un di e casnan aki. Of tambe FCCA ta haya tereno for di gobierno, unda cu ta construi casnan pa comunidad, unda cu si nan ta bin na remarca pa nan.
Na momento cu FCCA haci un calculacion di cuanto e persona por bin na remarke pe, e ta haya tambe e grandura di e cas cu por construi y ta mustra e persona ki diseño e por bin na remarke. Segun Sr. Leest, nan ta duna tur e ideanan na e personanan pa asina nan por ta trankil pa na momento cu nan bin pa traha un cas, e peso no ta kibra nan of cu nan por carg’e bon.
E demanda den ambos caso, es decir, personanan cu ta wardando ariba cas di huur , cual ta schaars den ultimo temponan aki. A traha varios cas durante ultimo añanan, y sperando di por construi mas cas den futuro cercano. Tambe personana cu ta acerca FCCA pa yudanan pa traha nan cas, nan ta bin na un bon seguro, tin hopi bon pakete y tambe segun Sr. Leest, nan ta controla e construccion, ta duna servicio di taxatie, pa ora un persona kier cumpra un cas, FCCA ta bay check e balor di cas, pa wak si e prijs cu ta pidi p’e cas ta cuadra cu e berdadero balor.
Ora cu e persona ta traha su cas bou di FCCA, e ta haya e materialnan tambe, ofreciendo un bon pakete, y esey ta motibo pa cual hopi hende ta acerca FCCA pa yudanan traha nan propio cas, segun Sr. Franklin Leest, vocero di FCCA.