CARACAS/BOGOTA- Caracas ta condena e posicion di Washington, cu ta insisti den cuminsa un “intervencion humananitrio” y ta promove e blokeo di fondonan Venezolano.
E barco hospital militar USNS Comfort ta yegando Colombia como parti di un mision humanitario cual proposito ta di ofrece yudansa medico na problacionnan vulnerabel na Turbo y Riohacha, como tambe pressta asistencia na emigrantenan di Venezuela. Sin embargo, Caracas ta considera cu e iniciativa aki como un menasa pa su siguridad.
E estado di sistema di salud Venezolano cu frecuencia ta aparece den medionan internacional. Algun ta papia di “un emergencia humanitario” y ta alega cu e falta di remedi y suministro lo hustifica un intervencion na Venezuela.
Den e ultimo informe di e Organisacion Panamericano di Salud esaki ta bisa cu mas di 360 mil dokter a gradua for di 2011 te cu awo, y tambe di un cantidad significativo di hospitalnan riba tur nivel, aunke e ta admiti “un perdida progresivo” di su capacidad operativo” a lo largo di e ultimo cinco añanan y specialmente na 2017 “fruto di e fragmentacion, e falta di material y remedi como tambe e migracion di 22 mil dokter.
Mientras tanto, Caracas ta condena e posicion di Washington cu, di un banda, ta insisti den e necesidad di cuminsa un supuesto “intervencion humanitario” y, di otro banda, ta promove un blokeo di fondonan cu ta haci e situacion mas grave. Hecho ta, cu e presidente di Venezuela, Nicolas Maduro, a manifesta cu Merca ta stroba e compra di ekiponan medicion door di e sancionnan.
“E gobierno imperialista di Merca ta persigui nos y tin nos blokia. Si ami kier cumpra algun ekipo special pa proteha e muhe na estado, na cualkier parti di mundo, e ta stroba nos of ta pone retraso den esaki”, e mandatario Venezolano a bisa dia 13 di ultimo, despues di cual el a pidi yudansa na UNO pa kibra e blokeo aki, segun medionan local.