E oficina di Post Aruba na Sta. Cruz ta muda

Diabierna 8 di februari lo ta e ultimo dia cu Post Aruba lo brinda su servicionan na su oficina actual situa na Sta. Cruz 54-c.
Motibo pa esaki ta cu lo muda e oficina di Post di Santa Cruz pa un localidad nobo, cual lo ta situa na e di dos piso di e MFA na Sta. Cruz. Pronto lo anuncia e fecha di apertura di e localidad nobo aki.
E orario di e oficina nobo lo ta di dialuna pa diabierna di 7:30am te cu 12:00pm y di 1:00pm te cu 4:15pm.
E oficina aki lo sigui brinda tur e servicionan postal manera custumbra, manda carta y paki, postwissel (manda y ricibi placa), cumpra stampia, etc.
Pa mas informacion tocante e servicionan di Post Aruba, check nan pagina web www.postaruba.com of “like” nan paginanan riba Facebook Post Aruba NV y Aruba Stamps.

Comments

comments