Internacional: Hende muhe ta wordo considera estadisticamente miho chauffeur y cu ta brinda mayor seguridad den comparacion cu e hende homber. E diferencia entre hende homber y hende muhe no ta hopi, sinembargo, durante bastante tempo a bin ta kere cu e hende homber ta superior riba diferente cuestion manera, por ehempel maneha auto, pasobra tabata wordo considera e hende muhe tras di stuur un peliger constante. Sinembargo, un estudio realisa pa www.confused.com ta kibra e mito aki demostrando cu e hende muhe ta miho chauffeur debi cu mayoria accidente automobilistico ta wordo cometi dor di e hende homber. E estudio tambe ta revela cu e boetnan pa core cu exceso di velocidad ta wordo duna mas hopi na e hende homber, mientras cu e hende muhe ta represente un cifra mas abao. 1.4 miyon di keho a wordo registra durante 2018 y tur tabata haci dor di e hende homber, mientras cu e hende muhe di su parti, segun e estudio aki, ta reclama menos na Inglatera. Segun e medio di comunicacion Britanico “The Mirror”, e hende muhe ta wordo considera estadisticamente miho chauffeur y cu ta brinda mayor seguridad den comparacion cu e hende homber, pa cual, nan ta paga mas pa seguro di auto.