AGENCIA ESPACIAL EUROPEO – E mision Europeo Gaia, diseña pa realisa e cartografia mas preciso di Via Lactea, a confecciona den su prome dos añanan di operacion, un mapa cu ubicaicon di 1.145 miyon di fuentenan luminico y ademas a determina e velocidad di movimento y e distancia na solo den algun dos miyon di strea, un trabao ainda preliminar pero cu ya a supone un autentico revolucion den e conocimento di nos galaxia manera e Agencia Espacial Europeo (ESA) ta destaca.
“E mision lo yuda na responde hopi di e preguntanan riba e origen y evolucion di e Via Lactean,” e ta añadi.
Gaia, un proyecto caminda cu ta participa centronan di investigacion y empresa di 25 pais, cu e destacada presencia di Spaña, a wordo lansa pa espacio na December 2013 y awor aki ta den un orbita 1.5 miyon di kilometer for di Tera, den un yamado punto di Lagrange of L2, un luga aleha di e influencianan gravitacional cu ta aporta na e stabilidad desea sin tin cu gasta hopi energia pa mantene su mes. Un di e gruponan lider di e mision, ta esun di e Instituto di Ciencianan di Cosmos di e Universidad di Barcelona (ICCUB) y di e Institut d’Estudis Espacials de Catalunya.
Fuente: www.elperiodico.com