CARACAS, Venezuela – E pantaya di televen ta sigui renoba su mes, awo cu e estreno di “Prueba de Fe,” e serie nobo cu ta relata un di e tres milagernan aproba pa iglesia Catolico pa canonisacion di e figuranan cu mayor devocion na mundo. Desde dialuna, dia 13 di Maart pa 7’or di anochi.
Graba na Venezuela, Panama y Peru, den coproduccion cu e productor internacional VIP 2000, canal di Horizonte ta presenta e episodionan aki cu a wordo cuidadosamente studia y inspira den hechonan real pa expone na e televidentenan historianan cu ta profundisa den bida y obra di esnan cu a wordo eleva na altarnan pa e maximo autoridad di Iglesia.
Den e prome episodio aki, e audiencia por conoce e historia di Juan Pablo II, kende a destaca pa ta un di e lidernan mas influyente den e religion Catolico, den desempeña como figura principal di Vaticano cu un pontificado cu a dura mas di 26 aña.
E direccion di e episodio aki, e prome riba pantaya, tabata na cargo di Tony Rodriguez y a conta cu participacion di streyanan importante di television Venezolano. Norkys Batista, Miguel de Leon y Ana maria Simon, compaña pa e prome actriznan Caridad Canelon y Maria Cristina Lozada, tabta responsabel pa duna bida na e personahenan di e storia aki.
E milager pa beatificacion
Durante e entrega aki, “Prueba de Fe” ta relata historia di un hoben religioso cu tabata padece e enfermedad di Parkinson. Cu pasamento di aña patologia a empeora te cu a sintomanan a cuminsa disipa, desapareciendo den dje, di e manera di mas inexplicabel, locual e tabata keha.
Un neurociruhano recnoci a wordo selecta pa Vaticano pa confirma e autenticidad die hechonan. Y esaki, apesar di su perdida di fe pa motibo di un tragedia personal, a confirma e milager cu a hiba Papa Juan Pablo II, na converti den e santo den e historia cu Televen ta presenta.
Fuente: El Universal