“E mester tin 10 of 11 aña, flaco, blanco, cortico” tabata e peticio di Stefan Andres Correa, un Ecuatoriano-Mericano kende den e ultimo dos añanan, a biaha 45 biaha for di Merca pa Colombia pa abusa sexualmente di menor di edad.
“A detene Correa diabierna ultimo pa autoridad di e pais Norte Americano na aeropuerto Internacoinal di Miami, ora cu e kier a subi avion cu destino p’e capital Colombiano, Bogota, pa despues tuma un otro, cu lo a hib’e Medellin.
Durante e captura, a confisca nuebe celular, cu tabatin video di e abusonan sexual na menor di edad caminda cu e mes tabata aparece y combersando cu un pimpi cu tabata organisa e encuentronan sexual den e capital Antioqueño.
Abusa a cambio di un iPhone y 80 dollar
E emisora W Radio tabatin acceso na e chatnan aki, caminda cu Correa tabata reitera su preferencia pa mucha muhe entre 10 y 12 aña y ta detaya con e mester comporta.
Pactando un di e encuentronan cu un menor di 11 aña, e individuo ta bisa cu, si e menor “comporta bon” y “lag’e yega te na final” sin “yora di dolor” y sin pidi p’e “para”, e lo paga 300 mil peso (cerca di 77 dollar) y lo e regal’e un iPhone 7 of 8 Plus.
Despues, e ta bis e pimpi cu un di e mucha muhenan pa “busca un amiga, cu tin 10 of 11 aña, flaco, blanco y cortico,” primintiendo dun’e un iPhone 7 Plus y “su amiga un iPhone 8 pa ta mas tribi.”
Den un otro fragmento, e intercambio a confirma cu un di e mucha muhenan a bisa cu si, aunke a puntra si e lo wordo penetra “te paden,” na cual Correa ta respnde afirmativamente. E crudesa di e fragmento di texto aki nos no ta publica pa etica, mirando cu e individuo tabata basta directo den su peticion. Pero si el a menciona: “E mester compronde e beyesa di amor.”
Correa a acepta su responsabilidad p’e delitonan di explotacion sexual di menor bao di 18 aña y e intento di biaha cu e intencion di participa den conducta sexual ilicito cu ta castigabel na Merca. E por ricibi un condena entre 15 aña di prizon y cadena perpetua.