Futbolista legendario Pele a fayece riba Diaranson cu un edad di 82 aña. E tabata hospitalisa den November pa complicacion nan relaciona cu cancer na su columna, su salud dia pa dia mas tabata empeorando den e ultimo siman nan. Un di su personal di siguridad, Andrew Downie a reporta riba 24 di December cu familiar nan di Pele a yega Hospital na Sao Paulo, Brazil unda cu e Legendario tabata bou tratamento.
E legendario cu tres Copa Mundial gana a ser reconoci universalmente un di e miho hungado nan den su deporte. Durante aña nan Diego Maradona tabata su competencia mas cerca, y mas despues e competencia a crece bira mas grandi unda cu a inclui Lionel Messi y tambe Cristiano Ronaldo.
E legendario tabatin e record mundial un total di 643 gol nan anota te ora cu Lionel Messi a anota su di 644 gol nan anota pa Barcelona ultimo den December, cual a kibra e record mundial di e Legendario Pele. Tambe Pele den e aña 1962 y tambe 1963 e la gana Copa Libertadores na “Fore Santo” cual e la wordo corona como Campeon di Brazil den prome division den seis ocasion. Na aña 1958 e legendario a titula su prome Copa Mundial pa sigui despues den aña 1962 y tambe den aña 1970 como su ultimo titulo Copa Mundial.