Expectativanan di un cambio geopolitico a impulsa bancoan central rond di mundo pa deshaci di e placa di papel berde.
Banconan cenral rond mundo ta recuri na oro como un alternativa pa e dollar Mericano. Analistanan ta atribui e comportamento aki como un incertidumbre geopoliitoc y un politica agresivo comercial di Merca.
Segun estadisticanan di e Conseho Mundial di Oro (WGC) den e prome trimester di 2018 e banconan central a aumenta nan adkisicion di oro pa un 42% compara cu un aña atras, siendo Rusia y Turkia e mayor cumpradonan netto.
Pa mita di 2018, banconan central a agrega na nan caha un total netto di 193,3 ton di baranan di oro, un aumento di 8% compara cu e prome mita di aña pasa. E compra di oro semestral ta esun mas fuerte pa banconan central desde 2015, WGC ta señala.
E conseho a pone e balor global di oro pa mita aña na 1,36 biyon dollar, rond di 10% di e reservanan mundial di divisa.
Presion riba competencia
Segun Edlivar Muratov, presidente di Castle Family Office na Singapore, e motibo tras di e movimenteo ta e buskeda di opcionnan alternativo na dollar.
Pa hopi tempo Merca a uza e dollar como medida di presion pa e competencia. Esaki semper a provoca rabia den e comunidad mundial y awo e lucha contra di e dollar a yega Europa”, Muratov a splica.
Segun e analista, un strategia similar por wordo observa den hopi pais di Europa y Asia, China, Turkia, Venezuela, Iran, Quatar y Rusia tin como obhetivo e desdolarisacion di nan economia y comercio exterior.
“Rusia a aumenta e compra di oro pa aumenta su reserva debi na e sancionnan nobo di Merca y un posibel desconexion di e sistema di dollar”, e analista a bisa. WGC di su parti a califica e oro como un “activo ya cu e no ta responsabilidad di niun hende y no tin niun risico di compensacion”.