Divi All Inclusive Resort recientemente a renoba su y e terras di come dilanti lama, unda bo por come henter dia. E cambionan ta hopi, y algun di nan ta subtil, mientras cu otronan ta altamente visibel.
E bunita terras a wordo expandi pa crea mas luga di sinta den airco, mientras cu nan a mantene e parti di come den aire liber, ofreciendo luganan pa sinta den aire liber y come banda di lama.
E Palm’s Grill, un area di “prepara bo mesun cena riba grill,“ cu un menu varia di plato di carni, galiña y pisca, a wordo muda pa ta mas cerca di lama tambe.
E terras nobo cu ta ofrece cuminda henter dia, awo ta conta cu dos area grandi di buffet, cu un miho seleccion di plato, unda e restaurant su chefnan tambe ta prepara specialidadnan di pisca y carni, riba e grill, segun pedido, pa lunch y cena. Mas ainda, un Rotisserie tradicional a wordo instala, cu galiña horna fresco, complimentando e experiencia di come; y riba diferente anochi, otro carni y pisca horna tambe ta wordo prepara den e Rotisserie.
Un stacion di carni completamente nobo awo ta ofrece un plato special di dia, tur dia, cu un variedad di plato principal cu semper ta cambiando, un bar grandi di salada, sushi fresco traha, un seleccion di e miho keshinan importa y un bar di pasaboca cu tremendo cos dushi, buscuchi, ice cream y fruta fresco.
E tema nobo di decoracion ta moderno cu colornan simple di grijs, beige y tononan di blauw suave. Un seleccion di pisca di glas ta colga di e plafond y den e gang, e muralista renombra, esta e artista Hulandes Leon Keer, kende a participa e aña aki den e Aruba Art fair, a crea un tremendo pintura di 3D di un turtuga den un aquarium cla, situa riba e playa, cu e horizonte riba e mesun liña cu e berdadero horizonte.
Hendenan local y bishitantenan tambe ta invita pa purba e restaurant; bo por cumpra un carchi na e front desk y disfruta di e buffet completo, incluyendo un bebida.
E Divi Lobby completamente renoba ta sigui di ta fresco y habri, y den su encarnacion nobo el a ricibi bunita muebles di diseño Spaño. Denter di e siguiente lunanan, Divi lo finalisa e bar di pizza nobo y e front desk, y cuminsa e renobacion di e Porte Cochere. Inmediatamente despues di esaki, e plannan di renobacion di Tamarijn All Inclusive lo cuminsa, na 2017. E lobby di Divi y e restaurant di terras cu ta sirbi cuminda henter dia, a ricibi un facelift total