Recientemente Sra. Arends-Reyes a haci un bishita na Inspectie Beveiliging Scheep- en Luchtvaart pa asina haya informacion tocante e trabounan di e departamento importante aki.
E bishita aki tabata tambe pa haya informacion di con Aruba ta preparando den nan punto di bista pa un audit grandi cu lo pasa den aña 2019 despues di mas cu 10 aña a pasa cu ICAO (International Civil Aviation Organization) a duna Aruba recomendacionan pa traha riba dj’e. Durante transcurso di tempo tawatin varios check di entre otro TSA (Transportation Security Administration) cu Aruba semper a score bon. Diferente accionan a ser haci pa awe Aruba por cumpli cu cualkier audit.
Unico cos cu mester traha mas diligentemente riba dj’e ta e ley di programa nacional di siguridad. Esaki lo ta necesario pa e cuadro legislativo pa tur entidad basa nan plan di seguridad riba dj’e. Aruba ta un di e poco nan den Caribe banda di Bahamas y Bermuda cu conoce un US Pre-Clearance cu ta trece cun’e cu Aruba mester ta semper up-to-date cu tur training, personal, siguridad, infrastructura y prepara pa cualkier eventualidad. Pa e mundo maritimo Aruba conoce tres puerto cu ta APA, Astec y Citgo caminda cu Aruba a bira un partner di Coast Guard unda cu Aruba mester sigura cu e barconan mas grandi cu 500 tonelada bruto y tin bandera ta wordo bon inspeciona, serviced y garantisa pa locual nan meta principal ta.
Tur organisacion awendia mester ta prepara pa cualkier eventualidad y menasa y un di nan tambe ta pa garantisa cu e personal ta traha den un bon atmosfera y pa nan ta sigui protocolnan di conducta y trabou, na aña 2018 mas cu nunca e human- factor ta keda un factor determinante pa exito di cualkier plan y meta cu e organisacion, Sra. Arends-Reyes ta termina bisando.