Diasabra atardi e tristo noticia a drenta fo’i Warawara na residencia di Edgard Croes conoci como “Dongo” a fayece den presencia di su kerida mama y su pareha.
“Dongo” ta un persona hopi conoci pa hobennan y hende grandi kende no conoce Edgard Croes, un persona cu na tur wega di Baseball t’ey. Edgard Croes “Dongo” ta un persona cu a yuda hopi hoben yega na nan soño pa bira un basebolista y algun di nan awe a yega profesional e.o Tromp y mucho mas. Tambe Dongo a participa den e mundo di basketball temp’i wega di reino. Un persona conoci pa hopi hende den Santa Cruz y Warawara.
Edgard tabata malo caba algun dia atras y riba su hacimento di aña y diasabra atardi el a bira basta malo haya un ataca di curason den su soño y a fayece na su residencia.
Esaki ta un sla duro pa e mundo di Baseball.
Riba e imagen “Dongo” cu un panfleta cu e palabra Jacky cu ta nomber di su ruman muhe cu a bay lage hopi aña atras y Jacqueline Croes “Jacky” tabata un persona conoci di a canta den gaita Chicas Gaitera cu e titulo Papi.
Di parti di gerencia di masnoticia.com cu conoce Edgard “Dongo” Croes y su famia completo palabra di profundi condolencia den e momentonan aki. Cu Dongo sosega na Paz y haya e merecido entiero di tur hende den mundo di baseball.